Ji Amerîkayê daxuyaniya xwepêsandan û aloziyên li Iraqê...

PeyamaKurd - Balyozxaneya Amerîkayê ya li Iraqê, li ser xwepêşandanên Iraqê yên alîgirên Sedr û alozbûna rewşa Iraqê peyamek belav kir.

Di daxuyaniya Balyozxaneya Amerîkayê de, hat diyarkirin ku ew ji ber zêdebûna aloziyan bi fikar in û ji hemû aliyên Iraqê hat xwestin, ji her karekî ku bibe sedema tundûtûjiyê dûr bisekinin.

Balyozxaneya Amerîkayê da xuyakirin: “Nabe ku ewlehî û aramiya Iraqê bikeve metirsiyê û niha dema çareserkirina nakokiyan bi rêya diyalogê ye, ne bi dijayetiyê.”

Herwiha bang li xwepêşanderan hat kirin, rêzê li sazî û dezgehên hikûmetê bigirin ku di xizmeta gelê Iraqê de ne û divê li ser erkê xwe bin.

Balyozxaneya Amerîkayê da zanîn, mafê xwenîpêşandana giştî ya aştiyane hêmaneke bingehîn a hemû demokrasiyan e lê xwepêşander jî divê rêzê li sazî û milkên hikûmeta Iraqê bigirin ku yê gelê Iraqê ne û xizmeta gelê Iraqê dikin û divê destûrê bidin da karê xwe bikin.

Piştî ku Rêberê Tevgera Sedr, Muqteda Sedr îro 29ê Tebaxê vekişîna xwe û Tevgera Sedr ji siyaseta Iraqê ragihand û alîgirên Sedr ketin Herêma Kesk û bi ser Koşka Serokomariyê de jî girtin.

Herwiha li gorî zanyariyan hejmarek xwepêşanderan jî di dema aloziyan de jiyana xwe ji dest dane.