Ji Nêçîrvan Barzanî peyama pîrozkirina salvegera 6an a rizgarkirina Kobanê

PeyamaKurd - Serokê Herêma Kurdistanê Nêçîrvan Barzanî, bi boneya salvegera 6emîn a rizgarkirina bajarê Kobanê yê Rojavayê Kurdistanê ji destê DAIŞê peyameke pîrozbahiyê belav kir.

Nêçîrvan Barzanî li ser hesabê xwe yê twitterê bi tîpên latînî yê kurmancî peyama xwe belav kir û tê de got, "Bîranîna destana azadkirina Kobanî li tevaya gelê Kurdistanê û li hemû azadîxwazên cîhanê pîroz dikim. Di vê bîranînê de em serê xwe li ber canê paqij ê şehîdan ditewînin, bi rêz û wefadarî wan bi bîr tînin."

Nêçîrvan Barzanî di dawiya peyama xwe de got, "Spasiya hêzên Hevpeymanan dikin ku di şerê li dijî terorê de alîkar bûn."

Bîranîna destana azadkirina Kobanî li tevaya gelê Kurdistanê û li hemû azadîxwazên cîhanê pîroz dikim. Di vê bîranînê de em serê xwe li ber canê paqij ê şehîdan ditewînin, bi rêz û wefadarî wan bi bîr tînin. Spasiya hêzên Hevpeymanan dikin ku di şerê li dijî terorê de alîkar bûn.

— Nechirvan Barzani (@IKRPresident) January 26, 2021