Ji Pêsmergeyên Zêrevanî û hêzên Iraqê operasyona hevpar

PeyamaKurd – Hêzên Zêrevanî yên Pêşmergeyên Kurdistanê û Hêza Fermandariya Operasyanan a Iraqê li Nînowayê, li Giwêr, Şenef û Çemê Zapa Biçûk operasyoneke hevpar li dijî DAIŞê pêk anîn.

Hate ragihandin ku operasyona hevpar a Pêşmerge û hêzên Iraqê di çarçoveya operasyonên ku 25ê Tîrmehê dest pê kirine de encam daye.

Di operasyonê de, lêgerîna bingehên rêxistina terorîst DAIŞê û tespîtkirina şaneyên DAIŞê hatiye kirin.

Hate ragihandin ku operasyona hevpar a hêzên Iraqê û Pêşmergeyên Zêrevanî, îro li dor demjimêr 12:00ê nîvro bidawî bûye û qadên navborî hatine paqijkirin.