Kerkûk | Hêzên Pêsmerge û artêsa Iraqê operasyoneke hevbes pêk anîn

PeyamaKurd – Hat ragihandin ku îro danê sibeha 7ê Sibatê li gundewarên Kerkûk Sergeranê hêzên Pêşmerge û artêşa Iraqê li dijî rêxistina terorîst DAIŞê operasyoneke hevbeş a lêgerînê pêk anîn.

Fermandarê Pêşmerge yê Mexmûr-Giwerê Sîrwan Barzanî ragihandiye ku îro danê sibehê hêzên Pêşmerge û artêşa Iraqê operasyoneke hevbeş li gundewarên Sergeran ê Kerkûkê encam dane û lêgerîna çekdarên DAIŞê li herêmê kirine.

Barzanî daye xuyakirin ku cihê operasyon hatiye encamdan qadeke 300 kîlometran a devera Sergeranê bûye.

Hat diyarkirin ku di operasyonê de yekîneyên hêzên Pêşmerge yên eniyên 5 û 6emîn û hêzên artêşa Iraqê yên Tumena 8 û 14an beşdarî kirine. Herwiha di operasyonê de hêzên komando û hêzên lîwayên 2, 10, 14 û 18 yên pêşmerge jî piştevanî kirine.