Kerkûk | Terorîstekî DAISê yê payebilind hat desteserkirin

PeyamaKurd – Hat ragihandin ku li nav sînorê nehiyeya Şiwan a parêzgeha Kerkûkê terorîstekî DAIŞê yê payebilind ji aliyê îstixbarata Iraqê ve hatiye girtin.

Cîgirê rêveberê polîsê Kerkûkê Elî Muteşer ji daye xuyakirin ku îro 27ê Kanûnê li sînorê nehiyeya Şiwan a parêzgeha Kerkûkê terorîstekî mezin ê DAIŞê ji aliyê hêzên saziya îstixbarata Iraqê ve hatiye desetserkirin.

Elî Muteşer gotiye, “Ew terorîste li gor madeya 4 a terorê ya yasaya cezayê Iraqê biryara girtina wî hebû û li sînorê Kerkûkê û Nînowa serpereştiya grubên DAIŞê kiriye ku di gelek operasyon û êrîşên terorîstî yên DAIŞê de beşdar bûye.’’

Hat diyarkirin ku piştî komkirina zanyariyan li ser wî terorîstê ku navê wî nehatiye eşkerekirin, di mala xwe de hatiye girtin.