Li Amedê gestên frokeyan hatin rawestandin

Peyama Kurd -  Hate ragihandin ku li bajarê Amedê yê Bakurê Kurdistanê, ji doh êvarê û ji ber mija zêde geştên frokeyan hatin rawestandin.

Li Amedê doh demjimêrên êvarî mijeke zêde çêbû û mesafeya dîtinê daket heta jêr 400 mîtroyî.

Ji ber mija zêde û daketina mesafeya dîtinê ji doh û hemû geştên frokeyan yên ji Amedê û yên ber bi Amedê ve hatin rawestandin.

Li gorî zanyariyên Saziya Keşnasiyê, bandora mijê wê îro jî berdewam bike.

Hemû geştên plankirî hatin betalkirin û li gorî rewşa hewayê wê geştên frokeyan careke din dest pê bikin.