Li baregeha Beledê ya Amerîkayê ewlekarî derket asta herî bilind

PeyamaKurd- Li Iraqê li baregeha herî mezin ya Amerîkayê ku li bajarê Beledê ye, ewlekarî derxistin asta herî bilind. Ewlekarî bi sedema ku di 15 ê hezîranê de bi topên hawanan li baregehê dabûn, derxistin asta bilind. Rêvebirên Amerîkî ragihandin ku li baregeha hewayî xebat dewam dikin û rast nîne ku medya dibêje xebatkarên Amerîkî ji wê derê vedikişin.

Generalê di artêşa Iraqê de wezîfedare yê bi navê Felah Faris ragihand ku bi sedema gengeşeyên navbera Îran û Amerîkayê zêdetir dibin ev tedbîr hatine sitendin. Di nava tedbîran de ewlekarî derketiye asta bilind, der û dora baregehê tim tê çavdêrîkirin û bo şevê gelek qedexe hatine danîn. Faris go tku temamê tedbîran bi Amerîka re di nava hevkariyekê de tên kirin.