Li DYAyê balafir li avahiyekê ket: 2 mirî, 18 birîndar!

PeyamaKurd – Li Başûrê Kalîforniyayê ya DYAyê balafireke biçûk li avahiyeke bazirganiyê ket û di encamê de 2 kes mirin û 18 kes jî birîndar bûn.

Midûriyeta Polîsan a Fullerton bûyer roja Pêncşemê piştî nîvro li ser platforma medyaya civakî X ragihand. Polîsan diyar kir ku 10 kes rakirin nexweşxaneyê û 8 kes jî li cihê bûyerê hatin dermankirin û derxistin.

Li gorî daxuyaniya Rêveberiya Hewayî ya Federal (FAA), balafira RV-10 a Wanê ya yek motorî saet di 14.15an de (20.15 GMT) ketiye xwarê.

Li gor nûçeya BBCyê, rayedaran derbarê çawaniya qezayê de hê daxuyanî nedane. Ne diyar e ku kesên jiyana xwe ji dest dane xebatkarên avahiyê ne yan di balafirê de ne.

Polîsan diyar kirin ku wan avahiyên li qada ku qeza lê pêk hatiye vala kirine û ji gel xwestin ku nêzî cihê bûyerê nebin.

Di van du mehên dawî de ev duyemîn ketina balafirê ye li herêmê. Di 25ê Mijdarê de, balafireke din li dareke ku ev qeza lê çêbûbû, li darekê ketibû, lê ti ziyaneke mezin çênebû.