Li Entabê tankera sotemeniya teqiya: 2 kesan can da, 3 kes birîndar bûn

PeyamaKurd – Li navçeya Bêlqis (Nîzîp) a Dîlokê di tankereke sotemeniyê de ku dihat temîrkirin teqînek pêk hat. Di teqînê de 2 kesan canê xwe ji dest da û 3 kes jî birîndar bûn.

Hat ragihandin ku di tankereke sotemeniyê de ku ji bo temîrkirinê li kargeha temîrkirina tankeran a li navçeya Bêlqisa Entabê bû, ji nişka ve teqiya.

Li ser agahdarkirinê ekîbên tenduristiyê, agirkuj û polês sewqî cihê teqînê hatin kirin. Şewata ku piştî teqînê derket ji aliyê îtfaiyeyê ve hat vemirandin.

Di encama teqînê de Mehmet Horuz (45) û Alperen Kiliçparlar (17) canê xwe dest dan, 3 kes jî birîndar bûn.

Piştî ku birîndar ji bo tedawiya destpêkê rakirin nexweşxaneyê, polêsan der barê teqînê de lêpirsîn da destpêkirin.