Li Ezaza ser sinorê Tirkiyê teqîn: 7 kesan jiyana xwe ji dest da

PeyamaKurd - Li bajarokê Ezazê yê Sûriyê teqînek qewimî, li gor zanyariyên destpêkê di encama teqînê de 7 kesan canê xwe ji dest dan û 12 kes jî birîndar bûn.

Li bajarokê Ezazê yê bakurê Helebê ser sînorê Tirkiyê teqînek di nav depoya sotemeniyê de çêbû û li gor zanyariyên destpêkê 7 kesan canê xwe ji dest dan û 12 kesên din jî birîndar bûn.

Li gor çalakvanên xwecihî teqîn li devera pîşesazî ya rojhilatê Ezazê çêbûye û yekser ambûlansan kuştî û birîndar veguhestine nexweşxaneya Hîlal a Şîn.

Di çend mehên dawî de li bajarokê Ezazê ku di destê grûpên çekdar ên ser bi Tirkiyê de ye, çendîn teqîn çêbûne û gelek caran jî grûpên çekdar, YPG bi pêkanîna wan teqînan tometbar kiriye. Herwiha grûpên çekdar bixwe jî dijî hev teqînan pêk tînin.