Li Ezirganê otobûsa rêwiyan wergeriya: 22 rêwî birîndar bûn

PeyamaKurd - Li navçeya Gêrcanis a bajarê Ezirgan ê Bakurê Kurdistanê otobûsa rêwiyan wergeriya û di encam de 22 kes birîndar bûn ku rewşak yek ji birîndaran giran e.

Hat ragihandin ku otobûsa Unal G. ajokarê wê bû, li ser rêya Ezirgan-Sewasê nêzîkî gundê Akarsu yê navçeya Gircanisê ji kontrolê derket û wergeriya qeraxa rê.

Li gorî zanyariyan di bûyerê de 22 kes birîndar bûn ku rewşa tenduristiya yek ji birîndaran giran e. Birîndar bi ambûlansan ji bo Nexweşxaneya Dewletê ya Gircanis û Erzînganê hatine veguhestin.

Otobûs rêwiyan ji bajarê Îzmîrê bi rê ketibû û diçû bajarê Îdirê yê Bakurê Kurdistanê.