Li Hesekê ji bo perwerdeya zarokên DAISê navendek hat vekirin

PeyamaKurd - Rêveberiya Xweser li Rojavayê Kurdistanê ji bo hewandin û perwerdekirina zarokên DAIŞî navendek bi navê Hilat vekir.

Navenda Hilat a Zarokên DAIŞê bi aramanca ji nû ve perwerdekirina zarokan û xelaskirina wan ji fikrên tundrew hatiye vekirin.

Hat ragihandin ku wê di navendê de zarokên ji 2 salî heta 12 salî li gorî bernameyeke hatiye diyarkirin, werin perwerdekirin.

Di vekirina wê navendê de fermandarên Hêzên Sûriya Demokratîk (QSD) û şanda hêzên Hevpeymaniya Navdewletî jî amadehî kirin.

Di merasîmê de ji civaka navdewletî jî hat xwestin piştgiriya vê projeyê bikin û alîkariyê bidin.