Li Îranê 4 girtî hatin bidarvekirin

PeyamaKurd - Îranê cezayê bidarvekirina 4 kesan bi tohmetên bi madeyên hişber li girtîgeha Qizilhisar a bajarê Kerecê înfaz kir.

Li gorî ragihandina HRANAyê sibeha roja Yekşemê, 4 kesên ku bi tohmetên madeyên hişber ji aliyê dadgehê ve cezayê îdamê li ser wan hatibû sepandin, li girtîgeha Qizilhisar a bajarê Kerecê hatin bidarvekirin.

Hate diyarkirin ku kesên hatine îdamkirin; Dawûd Berehûyî, Seîd Mihemedpûr, Mehdî Elîekberî û kesekî din ê xelkê Efxanistanê bûye ku nav û nasnavê wî nehatiye zanîn.

Herwiha rojek berê jî jineke bi paşnavê Mehmûdîniya ya navê wê nehatiye zanîn jî li girtîgeha Adilabad a bajarê Şîrazê bi tohmeta kuştina zilamekî hatibû bidarvekirin.