Li Iraqê hemû rêyên diçin Besrayê hatin qut kirin

PeyamaKurd – Hat ragihandin ku îro xwepêşanderên Iraqê hemû rêyên sereke yên diçin navenda parêzgeha Besrayê qut kirin.

Li gorî ragihandina Skynewsê, xwepêşanderan rêyên Pira Xalid û Pira Kezîza û hemû rêyên ku diçin perava Um Qesir, Xor, kargeha Semad û depoyê ji aliyê navçeya Xorê ve, qut kirin.

Herwiha hin rêyên ku diçin bîrên petrolê yên parêzgeha Zubêr a rojavayê Besrayê, rêya Ebû Xesîb-Faw û ji parêzgeha Faw jî navenda parêzgehê û rêya Besra û Zubêr jî hatine qutkirin.

Çavkaniyên medya Iraqê diyar dikin ku hêzên ewlekariyê demek berê de hewl dabûn rêya Pira Kezîza bi gulebaran û girtina xwepêşanderan vekin, lê ji ber zêdebûna hejmara xwepêşandêran neçar bûne vekişin.

Dîsa hat ragihandin ku li parêzgeha Necefê jî xwepêşanderan rêya pira di navbera Kova û Necifê de qut kirine.