Li Kampa Holê penraberekî iraqî hat kustin, 3 kes jî birîndar bûn

PeyamaKurd - Li kampa Holê ya li parêzgeha Hesekê ya Rojavayê Kurdistanê penaberekî Iraqî hat kuştin û 3 kes jî birîndar bûn.

Çavkaniyekê ji hêzên ewlekariya navxwe ya kampa Holê ragihandiye ku penaberekî Iraqî li beşa yekem a kampê ji aliyê kesên nenas ve li wê kampê hatiye kuştin û du penaberên din ê Iraqî û koçbereke Sûrî jî birîndar bûne.

Roja Şemiyê jî penaberekî din ê Iraqî li Kampa Holê ji aliyê kesên nenas ve hatibû kuştin. Ji meha Nîsanê ve nêzîkî 25 kesên Sûrî û Iraqî yên li kampê hatine kuştin.

Rêveberiya kampê radigihîne ku bûyerên kuştinê zêdetir bi rêya demançeyên bê deng pêk tên ku piraniya niştecihên kampê malbatên çekdarên DAIŞê yên girtî ne.