Li Kerkûkê bi fermana parêzgarê sepandî nivîsên Kurdî hatin rakirin

PeyamaKurd – Hat ragihandin ku bi fermana parêzgarê sepandî yê Kerkûkê, hemû nivîsên Kurdî ji ser lewheyên trafîkê û saziyan hatin rakirin..

Hat zanîn ku rakirina lewheyên Kurdî jî ligel îngilîzî û erebî li ser wan hatiye nivîsîn, ji taxên Kurdnişîn dest pê kiriye û proseya erebkirinê ji aliyê parêzgarê sepandî Rakan Cibûrî ve bêrawestan berdewam dike.

Hêjayî bibîrxistinê ye, bajarê Kerkûkê li gorî destûra Iraqê hêremeke di navbera Iraq û Herêma Kurdistanê de nakok e û piştî xiyana 16ê Cotmeha 2017an jî kontrola  Kerkûkî ketibû destê Heşda Şeibî û artêşa Iraqê.

Ji wê demê ve proseya erebkirinê û zextên ser Kurdan berdewam dikin ku ligel wê jî partiyên Kurdistanê di hilbijartinên Iraqê de, li Kerkûkê serkeftin bi dest xistin.