Li ser sînorê Ermenistan û Azerbaycanê pevçûn

PeyamaKurd - Ermenîstanê ragihand ku di encama gulebarana hêzên Azerbaycanê ya li herêma Siunikê ya li ser sînorê Azerbeycanê de 2 leşkerên Ermenî jiyana xwe ji dest dane.

Di daxuyaniya Wezareta Parastinê ya Ermenîstanê de ev agahî hatin dayîn:

 "Leşkerên yekîneyeke artêşa Azerbaycanê îro çeperên Ermenistanê yên li derdora gundê Nerkîn Hand gulebaran kirin, piştî vê êrişê hêzên me yên leşkerî jî bersivê dan êrişkaran."

Di daxuyaniya wezaretê de hate diyarkirin ku di encama êrişa leşkerên Azerbaycanê de 2 leşkerên Ermenistanê canê xwe ji dest dane û gelek leşker jî birîndar bûne.

Ji aliyê din ve Azerbaycanê jî diyar kir ku ev êrişa leşkerên Azerî li hember "provokasyona" leşkerên Ermenîstanê ya duh, bersivek e.

Wezareta Parastinê ya Azerbaycanê angaşt ku leşkerên Ermenîstanê duh 2 caran gule li gundê Koxanabî yê li bakur-rojhilatê herêma Tovuzê reşandine.

Ermenîstanê vê angaşta Azerbaycanê red kir û got ku "leşkerên Ermenistanê gule li çeperên Azerbeycanê reşandine. Ev angaşt bi rastiyan re naguncive.