Li Serê Kaniyê teqînek çêbû: Kustî û birîndar hene

PeyamaKurd - Li bajarê Serê Kaniyê yê Rojavayê Kurdistanê ku niha dibin kontrola hêzên Tirkiyê û komên çekdar ên tundrew de ye, teqînek çêbû.

Li gorî zanyariyên berdest, teqîn li bajarokê Til Xelef li rojavayê bajarê Serê Kaniyê çêbûye. Teqîn bi wesayîteke bombebarkirî pêk hatiye û li gorî agahiyên destpêkê, di encama wê teqînê de kuştî û birîndar hene.

Li daxuyaniya Wezareta Berevaniyê ya Tirkiyê di wê teqînê de 5 kes bûne qurbanî û lê çavdêriya Mafên Mirovan li Sûriyê (SOHR)  diyar dike ku di encama teqînê de 2 kesan jiyana xwe ji dest dan û çend kes jî birîndar bûn.

Ev di demekê de ye ku duh jî li bajarokê Til Ebû Şêx otomobîleke bombebarkirî hatibû teqandin û di encamê de kesek hatibû kuştin û 26 kes jî birîndar bûbûn.