Macron: Enqere pistevaniya serê Qerebaxê dike lewra bi Azerbaycanê re ye

PeyamaKurd – Serokê Fransayê ji civaka navneteweyî daxwaz dike serperiştiya agirbesta Qerebaxê were kirin.

Serokê Fransayê Emmanuel Macron bi rêya telefonê bi Serokê Azerbaycanê Îlham Aliyev û Serokwezîrê Ermenîstanê Nîkol Paşînyan re axivî.

Macron di pêwendiya telefonî de, ji Azerbaycan û Ermenîstanê tekez kir, Parîs dixwaze di koma "Minsk" de roleke zêdetir bilîze û çavdêriya rewşa agirbesta navbera her du aliyan bike.

Emmanuel Macron diyar kir, ew ê hewl bide ku serperiştiya navdewletî ji bo çavdêrîkirina agirbesta Qerebaxê pêk were û zemîn were guncawkirin ji bo vegerandina awareyan û derxistina çekdarên biyanî yên li wê herêmê, bi taybetî çekdarên Sûrî ku bo wê deverê hatine veguhestin.

Nagorno-Qerebax, di navbera Enqere û Parîsê de bûye sedema nakokiyan. Fransa di wê baweriyê de ye ku, Enqere piştevaniya şerê Qerebaxê dike, lewra li dijî Ermenîyan piştevaniya Azerbaycanê dike.