Malbatên 4 penaberên kurd spasiya Serok Barzanî û Mesrûr Barzanî kirin

PeyamaKurd - Malbatên her çar penaberên Kurdên Rojavayê Kurdistanê ku di qezaya kamyona penaberan de 22yê Adarê li Xirwatyayê can dabûn û cenazeyê wan îro digihin Hewlêrê, spasnameyek bo Serok Mesûd Barzanî û Serokwezîr Mesrûr Barzanî belav kirin.

Malbatên penaberên Kurdên Rojavayê Kurdistanê di spasnameyê de, ji ber xemxurî û hewldanên bo veguhastina cenazeyan ji Xirwatyayê bo Kurdistanê, spasiya Serok Mesûd Barzanî, Serokwezîrê Herêma Kurdistanê Mesrûr Barzanî û Rûdawê dikin.

Spasnameya malbatên Şehîdên Xirwatyayê wiha ye:

Em malbatên şehîdên bûyera barhilgira Kurwatyayê, ku bû sedema canjidesdana 4 zarokên me yên koçber û birîndarbûna zêdetirî 20 koçberên din, ku hê jî li nexweşxaneyên Kurwatyayê têne dermankirin. Em sipasiyeke gerim ji her yek ji:

Serok Mesûd Barzanî, Serokwezîrê Hikûmeta Herêma Kurdistanê Mesrûr Barzanî, Îdareya Peywendiyên Derve ya Herêma Kurdistanê û Şêwirmendê Serok Barzanî mamoste Mesûd Heyder, Şêwirmendê Serokwezîrê Herêma Kurdistanê Dr. Selîm Paşa, Dilawer Ajgeyî Nûnerê Hikûmeta Herêma Kurdistanê li Yekîtiya Ewropa û Salar Kerkûkê, kadroyê Partiya Demokrata Kurdistanê û çalakvanê siyasî.

Herwiha em spasiya xwe ji nûnerê Rêveberiya Asayişa Giştî, Neqîb Wesam Mesîfî re jî pêşkêş dikin, ji ber ku destê hevkarî û alîkariyê dirêjî me kir.

Li ser navê şehîdên barhilgira Kurwatyayê em dixwazin sipasiya kanalên ragihandinê bikin û bi taybetî Tora Medyayî ya Rûdawê, ku ji kêlîka yekem ve rûmala vê bûyera diltezîn kir, û bi dilsozî ev bûyer gihand raya giştî û herwiha bangewazî û derd û êşên koçberan gihand hikûmeta Herêma Kurdistanê, ku yekser destpêşxerî kir, û cenazeyên her 4 zarokên me ji Kurwatyayê veguhest Herêma Kurdistana Iraqê û ji wê derê ve veguhest Rojavayê Kurdistanê.

Kurwatya-Slafonisky Brood

2-4-2021

Malbatên şehîdan