Mela Bextiyar rexne li awayê hilbijartina parêzgarê Kerkûkê kir: Wê ziyanê bigihîne Kurdan

PeyamaKurd - Rêveberê berê yê Yekîtiya Niştimaniya Kurdistanê (YNK) rexne li awayê hilbijartina Parêzgarê Kerkûkê li Otêla Reşîd a Bexdayê girt û got, metirsîya wê yekê heye ku wê encamên wê xerab bin.

Mela Bextiyar bi gotarekê bal kişand ser rêkeftina YNKê, erebên Kerkûkê û Reyan Kildanî û got: “Çanda siyasî ya Iraq û Kurdistanê ev e. Hilbijartin bi şikil e. encamê hilbijartinê ne nirxê demokrasiyê ye. Giraniya aliyan û biryardaran li desthilatê, li gel wan hêzan e ku xwedî hêza leşkerî ne, ne ku kursiyên wan kêm an zêde ye.’’

Bextiyar da zanîn: “Bê rêkeftina li gel aliyên Kurdistanê li navçeyên madeya 140, civîna Hotêl Reşîd (Civîna YNK û hevpeymanên wê) dê nakokiyên me kûrtir bike û encamên wê jî dê xerab bin.’’

Mela Bextiyar diyar kir: ‘’Li ser siyaseta YNKê ya piştî kongreyên partiyê yên çarem û pêncem, helwestên me yên cuda hene û ez ne amade me di bin serokatiya vê rêveberiyê de û ew siyaseta niha ya YNKê de berpirsyartiyê qebûl bikim.’’

Mela Bextiyar di beşeke din a gotara xwe de destnîşan kir: “Ez di aliyê xwe de naveşêrim, berî hilbijartina encûmena parêzgehan û piştî wê jî ez ji rewşa metirsîdartir tirsiya me û ez hîn jî jê ditirsim!’’

Bextiyar got: ‘’Ez naveşêrim Kurd û Kurdayetî ji bo min ji hemû partiyan pîroztir e. Ji ber wê jî metirsî heye, ji rewşê, ji ber civîna Hotêl Reşîd dê ziyanên zêdetir bigihin Kurdan.’’