Meral Aksener: Nikarin daxwazên HDPê bînin ser maseyê

PeyamaKurd – Meral Akşener diyar kir, ew nikarin mudaxeleyî hevdîtina CHP û HDPê bikin û got, "Nikarin daxwazên HDPê bînin ser maseyê."

Piştî çareserkirina qeyrana namzedê serokomariyê di Tifaqa Netewî de, Seroka Îyî Partiyê Meral Akşener bû mêvana bernameya "Teke ​​Tek" a Haberturk TVyê.

Fatîh Altaylî ji Meral Akşenerê re pirsî û got, çima piştî lihevnekirina namzed, axaftina te bi tund bû? Akşenerê jî diyar kir: “Belê tund bû, diviya tund bibûya. Min tişta ku ez difikirîm got. Min bi xwe ew nivîs nivîsand. Ez dîrokzan im, jixwe ez zanyara civakî me. 28 sal in siyaseteke aktîf dikim. Min metbexa partiyek siyasî bi rê ve bir. Dibe ku ew tund were hesibandin, lê bi rastî min xwest zelal be."

‘Daxwazên HDPê nikarin bînin ser maseyê’

Akşener têkildarî mijara hevdîtina bi HDPê re jî wiha dewam kir:

“Ger mijara ku do nehat nîqaşkirin îro jî dibe sedema pirsgirêkan, divê her kes baldar bin. Li ser wê maseyê, weke ku carcaran tê îdiakirin HDP nîne. Li gorî Mîthat Hoca (Hevserokê HDPê Mîthat Sancar) ew jî vê yekê qebûl dikin. Lê dem bi dem ji rêveberên HDPê daxuyaniyên cuda hatin. Di wê baweriyê de bûm ku her yek ji wan gotegotan ji bo berdewamiya vê pergala cinawir weke êzingên êgir bûn.

Aqilekî wisa divê berdewam bike û kûr bibe. Wezaret vs. Ne mimkûn e danûstandin li ser bê kirin. Diyalog tiştekî din e. CHP dikare bibêje, ez ê bi têgihiştinane qebûl bikim. Ger bigotana 'Rêjeya dengên we ji yên HDPê cuda ye, bi xatirê we' em ê ji wê maseyê rabûna. Ez li dijî fêlbaziyê me, ez ji rastbûn û vekirîbûnê hez dikim. Diyar e ku CHP dikare bi HDPê re hevdîtinê bike. Lê ew tu carî nikare vê yekê bîne ser maseyê."