Mesrûr Barzanî bi Wezîrê Qeterê re hevkariya warê enerjiyê gotûbêj kir

PeyamaKurd - Serokwezîrê Herêma Kurdistanê Mesrûr Barzanî, îro li Qeterê, bi Wezîrê Dewletê yê Qeterê Seid bin Şirîde Kabî re civiya û herdu aliyan bihêzkirina pêwendiyên dualî di warê enerjiyê de gotûbêj kir.

Hikûmeta Herêma Kurdistanê li ser hevdîtina Mesrûr Barzanî û Wezîrê Dewletê yê Enerjiyê yê Qeterê ragihand, “Di civînê de danûstandin li ser bihêzkirin û berdewamkirina pêwendiyên dualî yên Herêma Kurdistanê û Qeterê di warê enerjiyê de hatin kirin.”

Mesrûr Barzanî, 24ê Adarê bi serdan û vexwandineke fermî gihîşt Doha ya paytexta Qeterê û bi Serokwezîr û Wezîrê Derve yê Qeterê Şêx Mihemed bin Ebdirehman al Sanî re civiya.

Serokwezîr Barzanî, herwiha hevdîtinek ligelSerokê Dezgeha Veberhênanê ya Qeterê Şêx Bender bin Mihemed al Sanî re jî kiribû.