Mesrûr Barzanî di derbarê civîna li ser Pêsmergeyan de twîtek belav kir

PeyamaKurd – Di derbarê civîna do ya li ser rewşa wezaret û hêzên Pêşmerge de, Serokwezîrê Herêma Kurdistanê Mesrûr Barzanî di tora xwe ya civakî twitterê de ragihand: ‘’Divê em lez bikin hêzên Pêşmerge yekxistina wan temam bikin.’’

Serokwezîrê Hikûmeta Herêma Kurdistanê Mesrûr Barzanî do bi amadebûna cîgirê serokê hikûmetê Qubad Talabanî ve serpereştiya civîneke taybet a wezareta Pêşmerge kir û hejmarek mijarên girêdayî bi wezaret û rewşa Pêşmerge guftûgo kirin.

Mesrûr Barzanî di twîtekî de diyar kir: ‘’Min serpereştiya civînekê kir bo guftûgo kirina di derbarê çaksazî di wezareta Pêşmerge de pêkanînê.’’

Herwiha destnîşan kir, ‘’Divê em lez bikin bo encamdana guhertinan û hêzên Pêşmerge bên yekxistin bo piştrastbûn û dadperweriya zêdetir bo hêzên me yên çekdar.’’

Serokwezîr da zanîn, ‘’Pêşmerge dê berdewam girîng be bo parastina Kurdistanê.’’