Mesrûr Barzanî: Ji bo ewlehî û selametiya koçberên ser sînorê Ewropayê di pêwendiyê de me

PeyamaKurd - Serokwezîrê Herêma Kurdistanê Mesrûr Barzanî, li ser rewşa koçberên Kurd ên li sînorê Belarus û Polandayê nîgeraniya xwe nîşan da û got, başkirina rewşa wan koçberan berpirsyariya hevbeş a her kesî ye.

Serokwezîr Mesrûr Barzanî li ser hesabê xwe yê Twitterê ragihand: “Em gelekî nîgeran in ji ber rewşa welatiyên me û hemû ewên li ser sînorê Yekîtiya Ewropayê ne ”  û got, “Başkirina rewşa wan, berpirsyariyeke hevbeş a me hemûyan e.”

Serokwezîrê Herêma Kurdistanê herwiha eşkere kir: “Ew ji aliyê qaçaxçî û bazirganên mirovan û çend torên derveyî ve hatine xapandin. Ez ligel hevbeşên me di pêwendiyê de me û ji bo dilniyabûna li ser ewlehî û selametiya wan welatiyên me dixebitim.”

I’m deeply concerned by the plight of our citizens, as well as the many others on the EU borders. Their wellbeing is our shared responsibility. They’ve been deceived by traffickers; exploited by networks abroad. I’m working with our partners to ensure their safety & security -mb.

— Masrour Barzani (@masrour_barzani) November 14, 2021