Mîthat Sancar: Ev deshilatî dijminê Kurdan e…

PeyamaKurd - Hevserokê Giştî yê HDPê Mithat Sancar, îro 15ê Gulanê derbarê ji aliyê Wezareta Navxwe ya Tirkiyê ve destdanîna ser şaredariyên Sêrt, Îdir, Hawêl, Misirc û Baykanê daxuyanî dan.

Sancar li Navenda Giştî ya HDPê ya Enqerê civîneke rojnamevanî saz kir û bertek nîşanî tayînkirina qeyûman 5 şaredariyên HDPê da.

Sancar, siyaseta qeyûman wekî plana darbekariyê pênase kir û wiha axivî: "Ev deshilatdarî rejîma darbeyan e. Berhemê darbeyan e. Deshilata darbeyan e. Darbekar û dijminê demokrasiyê ye. Dijminê vîna gel e. Dijminê gelê Kurd e. Gelê Kurd dizane ku li vîna xwe û rûmeta xwe xwedî derkeve. Bi salan e tu hêz û êrîşan nekarîbû vîna gelê Kurt têk bibe. Dê  ji niha û şûnde jî nikaribe têk bibe. Em xwe li ber wan neçimînin. Em têk naçin. Em ê têkoşîna xwe bilind bikin." 

HDPê di hilbijartinên 2019an de 3 şaredariyên mezin, 5 bajar, 45 navçe û 12 şaredariyên bajarokan bi dest xistibû û bi giştî 65 şaredarî ketibûn destê HDPê. Heta niha ji bo 45 şaredariyên HDPê bi biryara Wezareta Navxwe ya Tirkiyê qeyûm hatine danîn.