Muhafizên Soresê bang li Xamineyî kir: 'Çekên Nukleerî bi dest bixe'

PeyamaKurd – Li gel ku Serokê Amerîkayê Donald Trump di destpêka vê hefteyê de polîtîkaya zexta herî zêde li dijî Îranê sepandiye, pêwîstiya bidestxistina çekên nukleerî di nava Îranê de destpê kiriye.

Li gorî rojnameya The Telegraph a Brîtanî, fermandarên Pasdarên Şoreşê bang li Xamineyî kirin ku çekên nukleerî bi dest bixe, li hember "gefên hebûnê" yên rojavayî.

Fermandarên payebilind ên leşkerî yên Îranê gotin, ji bo ku hikûmeta Tehranê bidome, divê Rêberê Îranê Elî Xamineyî "Fetwaya qedexekirina çêkirina çekên nukleerî vekişîne."

Rayedarekî din got, "Em çu carî mexdûrtir nebûne û dibe ku ev şansa me ya paşîn be ku em berî ku pir dereng be yek bi dest bixin."
"Em tenê çend gavan dûr bûn"

Rayedarekî din ê Îranî li Tehranê got: "Rêber danûstandinên bi Amerîkiyan re û pêşxistina çekên nukleerî asteng kiriye, ku wisa xuya dike ku yekane rêya jiyanê ye."

"Em tenê çend gavan dûrî pêşxistina çekên nukleerî bûn, lê zext û motîvasyonên ji bo vê yekê ji her demê zêdetir in.

Herwiha hat gotin ku fetwaya Xamineyî hîn jî derbasdar e, lê ew bendên ku li gorî Îslama Şîe “li gorî dem û mercan” dikarin bên guhertin. Li gorî vê yekê hat destnîşankirin ku welat "diviya bû bombeya nukleerê biceribînin ji ber ku rêyek din tune bû."

"Em xwedî kapasîteya teknîkî ne ku çekên nukleerî hilberînin"

Sala borî bi dehan endamên meclisa Îranê daxwaz ji Civata Bilind a Ewlehiya Netewî kiribûn ku siyaseta xwe ya navokî binirxîne. Di daxuyaniyekê de di Mijdara 2024an de, Kemal Herazî, yek ji şêwirmendên Xamineyî, got ku fetwaya rêberê olî tenê sînorek li ser pêşxistina çekên navokî ye. Herazî got: "Eger Îran rûbirûyê tehdîdeke hebûnê bibe, em neçar in ku em doktrîna xwe ya leşkerî biguherînin. Jixwe şiyana me ya teknîkî ya hilberîna çekan heye, fermana olî ya ku çekên nukleerî qedexe dike rê li ber me digire."

Hesabê medyaya civakî ya girêdayî Supaya Pasdarên Şoreşê ya Îranê hefteya borî îdia kiribû ku Îran xwedî şiyana teknîkî ye ku çekên navokî hilberîne.