Nêçîrvan Barzanî sersaxî da malbata Joyce Blauê

PeyamaKurd –  Serokê Herêma Kurdistanê Nêçîrvan Barzanî, ji ber koça dawîn a zimanzan, nivîskara fransî, pispora ziman û edebiyata kurdî û yek ji avakarên Enstîtuya Kurdî ya Parîsê, peyameke sersaxiyê li ser hesabê xwe yê Xê belav kir.

Nêçîrvan Barzanî di peyama xwe ya de ji ber hevkariya wê ya bi kurdan re bal kişand ser wê yekê ku Blau dê her di bîra kurdan de bimîne û got, “Ez sersaxiyê ji malbat û hevalên profesor Joyce Blau, dosta kurdan, nivîskar, pisporê ziman û edebiyata kurdî re û ji hevkarên wê yên Enstîtuya Kurdî ya Parîsê re dixwazim. Ez êşa wan pa rve dikim û hevgirtina xwe nîşanî wan dikim. Xanim Blau piraniya jiyana xwe bi piştgiriya gelê kurd, xizmeta ziman, wêje û çanda wî derbas kir. Ji ber kirinên xwe û hevaltiya wê ya bêdawî,  ew dê her û her di ramanên me de bimîne. Bila ruhê wê şad be û bîranîna wî sax be.”

Hêjayî gotinê ye ku Joyce Blaua profesora fransî ku bi pisporiya xwe li ser zimanê kurdî û birrek xebatên xwe yên di warê kurdolojiyê dihat naskirin, îro di 92 saliya xwe da koça dawîn kir ku hikûmeta Herêma Kurdistanê ji ber tevkarî û dostaniya wê ya bo kurdan, sala 2023yan li keleha Hewlêrê bi navê wê pirtûkxaneyek dabû vekirin.