Namzedê PDKê yê Kerkûkê: Yên dixwazin rûbirûyî me bibin, li Kerkûkê cihê me diyar e

PeyamaKurd – Do şev li bajarê Kerkûkê ji ber daliqandina wêneyê namzedê Partiya Demokrat a Kurdistanê (PDK) Şaxewan Ebdullah, dikanek hat şewitandin. Şaxewan Ebdullah li ser bûyerê axivî û got; kiryarên bi vî rengî bandorê li ser wan nake û soza nûkirina dikanê dide xwediyê dikanê.

Namzedê PDKê yê Kerkûkê Şaxewan Ebdullah da zanîn; kesên ku karên bi vî rengî dikin, ji deng û rengê PDKê ditirsin. Herwiha tekez kir ku ewên dixwazin rûbirûyî wan bibin, li Kerkûkê cihê wan diyar e.

Şaxewan Ebdullah destnîşan kir; wan beriya niha kesên ku wêneyên namzedên PDKê qetandibûn û şewitandibûn efû kirine, lê belê şewitandina dikana welatiyan nayê efûkirin.

Ebdullah eşkere kir; hebûna Ala Kurdistanê li ser posteran, hinek aliyan nîgeran kiriye û got: “Divê neyar fêm bikin ku PDK ango Ala Kurdistanê.” Herwiha diyar kir, piştî vegera PDKê, qonaxeke din dê li bajarê Kerkûkê dest pê bike.