Nêçîrvan Barzanî îro serdana Tirkiyê dike û bi Erdogan re dicive

PeyamaKurd - Serokê Herêma Kurdistanê Nêçîrvan Barzanî îro serdana Tirkiyê dike û li gel Serokomarê Tirkiyê Recep Tayyip Erdogan bicive.

Li gor malpera Serokatiya Tirkiyê bernameya serdana Serokê Herêma Kurdistanê belav kir û ragihand, îro Nêçîrvan Barzanî wê di saet 14:00an de, li gel Serokomarê Tirkiyê Recep Tayyip Erdogan bicive û di derbarê peywendiyên navbera herdu aliyan de gotûbêjan bikin.

Herwiha hevdîtina yekemin a Serokê Herêma Kurdistanê, wê di saet 09:30an de û bo taştê, li gel Wezîrê Derve yê Tirkiyê Mevlut Çavuşoglu pêk bê.

Şanda li gel Serokê Herêma Kurdistanê ji Serokê Dîwana Serokatiya Herêma Kurdistanê Fewzî Herîrî, Rêveberê Ofîsa Serokê Herêma Kurdistanê Kerîm Şingalî, Berpirsê Fermangeha Pêwendiyên Derve ya Herêma Kurdistanê Sefîn Dizeyî û Şêwirmendê Bilind ê Serokê Herêma Kurdistanê Felah Mistefa pêk tê.