NY: Heya sala 2030yan wê 575 milyon kes bi xizaniya giran re têbikosin

PeyamaKurd – Li gorî Neteweyên Yekbûyî (NY) tê pêşbînîkirin ku heta sala 2030î li cîhanê 575 mîlyon mirov bi xizaniya giran re têkoşîna xwe bidomînin û 84 mîlyon zarok jî wê nikaribin biçin dibistanê.

Di rapora ku Neteweyên Yekbûyî weşand de, bal kişand ser xetereya pêkanîna Armancên Pêşketinê yên sala 2030an, "birçîbûna sifir" jî di nav de, hat parvekirin ku ji 140 hedefên hatine destnîşankirin tenê ji sedî 15'ê wê dikare pêk were.

Di raporê de hat destnîşankirin ku heta sala 2030î li cîhanê 575 mîlyon mirov wê bi xizaniya giran re têbikoşin û 84 mîlyon zarok jî wê nikaribin biçin dibistanê.

Sekreterê Giştî yê Neteweyên Yekbûyî Antonîo Guterres di pêşgotina raporê de got, "Eger em niha tevnegerin, wê rojeva me ya sala 2030î ji bo hemû cîhanê bibe goristan. Di vê pêvajoyê de ti pêşketin çênabe. Ev dikare were wateya kûrkirina newekheviyan û zêdekirina metirsiya cîhanek perçebûyî."

Li Junhua Alîkarê Sekreterê Giştî yê Neteweyên Yekbûyî ji bo Karûbarên Aborî û Civakî di civîna çapemeniyê ya ku rapor hat eşkerekirin de got, hemû faktorên wekî şerê li Ukraynayê, guherîna avhewayê, bandorên mayînde yên şewba Kovîd-19 û bandorên wêranker. Ev nexweşî li ser aboriya welatên pêşkeftî û aloziyên erdnîgarî wê heta sala 2030 bêne çareserkirin. Wî tekez kir, ew pêşkeftina di gihîştina Armancên Pêşketinê de çêdibe tehdîd dike.