Omicron li 4 bajarên Tirkiyê û du bajarên Bakurê Kurdistanê hat dîtin

PeyamaKurd – Wezareta Tendirustiya Tirkiyê bi daxuyaniyekê da zanîn, heta niha li Tirkiye û Bakurê Kurdistanê 42 kes bi vîrûsa guhertî “Omicron” ketine.

Wezareta Tendirustiya Tirkiyê di daxuyaniyê de eşkere kir, Omicron li 4 bajarên Tirkiyê û du bajarên Bakurê Kurdistanê belav bûye.

Herwiha Tendirustiya Tirkiyê ragihand, 30 kes li Stenbolê, 6 kes li Îzmîrê, 2 kes li Kutahya, 2 kes li Isparta, kesek li Şirnexê û kesek ji li Diyarbekirê bi vîrûsa Omicronê ketine.

Heta niha li Tirkiye û Bakurê Kurdistanê 3 hezar û 73 kes bi vîrûsa Delta û 42 kes jî bi vîrûsa Omicronê ketine.