Parlamentarên PDKê besdarî civîna Parlamena Iraqê ya ser êrîsên Îran û Tirkiyê dibin

PeyamaKurd – Hat ragihandin ku fraksiyona Partiya Demokrata Kurdistanê (PDK) li Parlamentoya Iraqê, beşdarî civîna îro ya derbarê êrîşên Tirkiye û Îranê de dibe.

Seroka Fraksyona PDKê li parlementoya Iraqê Viyan Sebrî eşkere kir, ew ê beşdarî civîna parlementoyê ya li ser êrîşên Tirkiye û Îranê bibin û da zanîn ku parlementoya Iraqê li ser daxwaza Tevgera Sedir dicive.

Viya Sebrî got, rojeva civînê êrîşên Tirkiye û Îranê yên li ser xaka Kurdistan û Iraqê ne û da zanîn, Wezîrê Derve yê Iraqê Fuad Husên jî di civînê de wê bersiva pirsên parlementeran bide û agahiyan bide.

Hatiye diyarkirin ku wê civîna îro Yekşemê ya Parlamentoya Iraqê ji aliyê cîgirê serokê parlementoya Iraqê Hakim Zamilî ve were birêvebirin.