Parlamenterên Siî li dijî piska Herêma Kurdistanê di budçeya veberhênanê de ne

PeyamaKurd – Civînên Komîteya Darayî û Wezareta Darayî ya Iraqê ji bo zêdekirina bûdceya veberhênanên parêzgehan bi ser neketin û Wezareta Darayî jî amade nîne salnameya budçeya sala 2024ê biguhere.

Para Herêma Kurdistanê di budçeya Iraqê de zêdetirî 20 trîlyon dînar e, ku 12 trîlyon dînar ji bo mûçe û 4 trilyon dînar jî bo xerciyên sermayeguzariyê tê dabînkirin.

Di demekê de ku civînên Komîteya Darayî û Wezareta Darayî ya Iraqê ji bo zêdekirina budçeya sermayesaziya parêzgehan bi ser neketin, lê tablo nîşan dide ku budçeya veberhênanê ji bo projeyên xizmetguzarî yên parêzgehan kêm bûye û budçeya wezaretan jî hatiye zêdekirin. Li hember vê yekê Wezareta Darayî ne amade ye salnameya budçeya sala 2024an biguherîne.

Hat îdiakirin ku Wezîrê Darayî Taîf Samî ji endamên Komîteya Darayî re gotiye ku parêzgeh dikarin pereyê ku ji budçeya ewlekariya xurekê ya sala 2022an û bûdceya sala borî maye ji bo projeyên xizmetguzariyê bi kar bînin.

Parlamenterê Parlamentoya Iraqê Raid Malik di daxuyaniyekê de ji K24ê re ragihandiye, em bi tundî li dijî wê mijarê ne, ji ber ku em di wê baweriyê de ne ku kêmkirina budçeya sermayesaziyê dê projeyên hemû parêzgehên Iraqê têk bibe, me fêm kir ku mijar ber bi navendîkirina nedestûrî ve diçe."

Endamên Lêjneya Darayî ku bi pişka 4 trîlyon û 954 milyar dînar ji Herêma Kurdistanê re hatiye dabînkirin ne razî bûn, gotin ku ew rê nadin parlamento li ser vê pirsê deng bide û zêdetirî 2 trîlyon dînar jî ji rêjeya diyarkirî ye. Ew jî dibêje, eger hikûmeta Iraqê hinartina petrolê ji bo Herêma Kurdistanê berdewam neke, ew ê ji budçeyê were derxistin.

Endamê Komîsyona Darayî ya Parlamentoya Iraqê Muhasîn Hemdûn diyar kir, “Hinek endamên Komîteya Darayî li dijî pişka herêmê ya 4 trîlyon dînar in, lê ev yek girêdayî rêkeftina Hewlêr û Bexdayê ye li ser şandina dahata petrolê û neftê û piştre şandina mûçeyan e.”

Budçeya sala 2024ê ya Iraqê zêdetirî 212 trîlyon dînar e û pişka Herêma Kurdistanê jî zêdetirî 20 trîlyon dînar e ku nêzîkî 12 trîlyon dînar ji bo mûçeyên fermanberên Herêma Kurdistanê tê dabînkirin.

Tevî ku ev 10 sal in pişka budçeya Herêma Kurdistanê bi tevahî nehatiye şandin, lê parlamenterên Şîe li dijî pişka Herêma Kurdistanê dest bi kampanyayekê kirin û gotin ku ew ji pişka Herêma Kurdistanê razî ne.