Pentagon: Li Iraq û Sûriyê 13 êrîs li baregehên me hatin kirin!

PeyamaKurd – Wezareta Parastinê ya Amerîkayê (Pentagon) ragihand, ji 17ê Cotmehê heta niha 10 êrîşên cuda li Iraqê û 3 jî li Sûriyeyê li dijî hêzên Amerîka û hêzên koalîsyonê hatine kirin.

Berdevkê Pentagonê General Patrick Ryder di civîna çapemeniyê ya rojane de geşedanên li Rojhilata Navîn nirxand.

Ryder da zanîn, di navbera 17-24ê Cotmehê de li Iraqê herî kêm 10 êrîşên cuda bi balafirên bêmirov û roketan li dijî hêzên Amerîka û yên koalîsyonê û li Sûriyeyê jî 3 êrîşên cuda pêk hatine.

Ryder da zanîn, komên êrîş pêk anîne dizanin ku rejîma Îranê û Sipahê Pasdarên Şoreşa Îslamî (Pasdaran) piştgirîya wan dikin û got, "Em îhtîmala ku di demeke nêz de ji aliyê hêzên wekaletê yên Îranê ve çewisandineke cidîtir derkeve holê, dibînin. Di dawiyê de li dijî hêz û personelên Amerîkayê yên li herêmê ku ji Îranê tên.”

Berdevkê Pentagonê diyar kir, Amerîka amade ye bersiva êrîşan bi rêya bikaranîna mafê xwe yê berevaniyê ji bo parastina berjewendî û karmendên xwe li herêmê bide.

Ryder bersiva pirseke derbarê 3 moşekên ku di 19ê Cotmehê de li Yemenê ji aliyê Hûsiyan ve ber bi Îsraîlê ve hatin avêtin, da. Wî agahiya ku menzîla van moşekan derdora 2 hezar kîlometre ye par û destnîşan kir ku heke ji hêla USS Carney ve nehatibin avêtin, dibe ku ew fuze bigihija Îsraîlê.