Pentagon: Pêsmerge xwedî roleke girîng bû, pistgirîya me berdewam e

PeyamaKurd – Wezareta Berevaniyê ya Amerîka (Pentagon) diyar kir ku ji bo careke din DAIŞ serî hilnede dê piştgiriya wan a ji bo Pêşmergeyên Kurdistanê berdewam bike.

Berdevkê Pentagonê Patrick Ryder di civîna rojnamevanî li ser pirsa medyakaran got, ji bo careke din DAIŞ serî hilnede û nebe metirsî dê hevkariya wan a bi Hêzên Pêşmerge û hevbeşên din re berdewam bike.

Patrick Ryder diyar kir, ew dê kar bikin ji bo ku DAIŞ careke din nebe gef û da zanîn, hêzên iraqî û hêza Pêşmerge di operasyonên nehiştina DAIŞê de xwedî roleke girîng bûn.

‘Em dixwazin piştrast bin ku DAIŞ car din serî hilnade’

Patrick Ryder got: “Em dixwazin piştrast bin ku gefên DAIŞê bi dawî bûne û em ê di warê leşkerî û lojîstîkî de çi pêwîst be pêşkêşî hevpeymanên xwe bikin."

Herwiha Ryder bibîr xisti ku Amerîkayê di warê leşkerî de pêngavên girtîn hatine avêtine û da zanîn, ew dixwazin bibînin ku hevpeymanên wan gihîştine wê astê ku careke din DAIŞ serî hilnede û xwe bi rêxistin neke.

Gelo wê Amerîka kengî ji Iraqê vekişe?

Patrick Ryder li ser dema vekişîna hêzên Amerîkayê ji Iraqê jî ev bersiv da: “Civînên komîteyên hevbeş berdewam dikin. Biryar e di demeke nêzîk de ew komîte civîneke giştî li dar bixin lê demeke ji bo civînan nehatiye diyarkirin.”