Peyama Nêçîrvan Barzanî ji bo jinên Kurdistanê

PeyamaKurd – Serokê Herêma Kurdistanê Nêçîrvan Barzanî di peyama xwe ya ji bo kongreya Yekitiya Jinan a ku duh hat lidarxistin de pîrozbahî li sekretera nû ya hilbijartî kir û got, "Ez garantî dikim ku ez ê her dem piştgiriya têkoşîna jinên Kurdistanê bikim."

Yekîtiya Jinên Kurdistanê duh bi çavdêriya Serok Mesûd Barzanî kongreya xwe ya asayî li dar xist.

Nêçîrvan Barzanî di daxuyaniya xwe ya derbarê lidarxistina kongreya 9emîn a Yekîtiya Jinan de, pîrozbahî li sekreter û endamên nû hatine hilbijartin kir.

142 endam beşdarî kongreyê bûn. Di dengdana roja duyemîn a kongreyê de, Zîba Taha weke sekreteriya nû ya Yekîtiya Jinên Kurdistanê hat hilbijartin. Herwiha 7 kes wekî endamên Sekreteriyê û 3 endam jî wekî endamên rezerva sekreteriyê hatin hilbijartin.

Nêçîrvan Barzanî spasiya Sekreterê berê û endamên Yekîtiya Jinên Kurdistanê kir û hêviya serkeftinê ji bo wan xwest.

Kesên ku di kongreyê de hatin hilbijartin ev in:

- Ziba Taha, Hewlêr - Sekretera Yekîtiya Jinên Kurdistanê

- Şanaz Muhammed, Hewlêr - Endam

- Leah Seyfettin, Silêmaniye - Endam

-Zêrî Newzad, Duhok - Endam

- Suham Salah, Duhok - Endam

- Kejal Hidayet, Kerkûk - Endam

- Delvîn Xelef, Şengal - Endam