RAPIRSÎN | Yekem car CHP dibe partiya yekemîn û AKP jî dibe duyemîn

PeyamaKurd - Li gorî rapirsiya Kompaniya Lêkolînên Civakî Avrasyayê, dengên CHPê yekem car ji yê AKPê zêdetir bûne û hemû berbijêrên serokomariyê li hember Serokomar Recep Tayyip Erdogan Erdogan bi ser dikevin.

Avrasyayê, encamê rapirsiya berî 15 rojan li 26 bajaran ku bi hezar û 260 kesan re hatiye kirin eşkere kir.

Di rapirsiyê de %62.3yê beşdaran dibêjin qeyraneke aborî ya mezin heye û %25.7 jî dibêjin qeyrana aborî demkî ye. %3.2 dibêjin qeyrana aborî tine û %6.8 jî dibêjin em nizanin qeyrana aborî heye yan tine ye.

Ji %64ê beşdaran dibêjin em bawer nakin desthilata AKPê qeyrana aborî çareser bike û %17.9 jî dibêjin wê desthilata AKPê qeyrana aborî çareser bike.

Dîsa li gorî rapirsiyê ji %77.1 dibêjin berpirsê qeyrana aborî Erdogan e û %74.6 jî dibêjin Erdogan aboriyê xirab bi rêve dibe.

Li gorî rapirsiyê ji %64.3yê beşdaran dibêjin pêwîst e hilbijartinên pêşwext bên kirin û %25.9 jî dibêjin hilbijartinên pêşwext ne pêwîst in û ji %9.8 jî dibêjin em bêbiryar in.

Hêjayî gotinê ye, yekem car CHP di encama rapirsiyekê de dibe partiya yekem;

CHP: %30.1

AK Partî: %28.4

ÎYÎ Partî: %11.9

HDP: %10.3

MHP: %7.3

DEVA: %5.9

Partiya Pêşerojê: %2.6

Saadet: %1.2

Yên din: %2.3