Rûsya ji zêdekirina jimara leskerên Amerîkayê acize

PeyamaKurd- Berdevkê Kremlînê Dmitriy Peskov, li ser mijara peymana navbera Amerîka û Polonyayê ku Amerîka biryar da jimara leşkerên xwe 2 hezar li Polonyayê zêde bike, aciziya xwe anî ziman. Peskov weha got:

“Bila şika ti kesî tinebe û bizanibe ku artêşa Rûsyayê vê peyam û agahiyan analîz dike. Artêşa Rûsyayê vê mijarê û mijarên weka wê analîz dike da ewlekariya Rûsyayê nê tehdîdkirin.”

Sekreterê giştî yê NATO yê Jens Stoltenberg, di mijara zêdekirina jimara leşkerên Amerîkayê li Polonyayê bi rizamendî pêşwazî kir û weha got:

“Ev nîşan dide ku Amerîka bi bawermendî xwe daye pişta ewlekariya Awrûpayê û ev nîşana saxlemiya pêwendiyên transatlantîkê ye.”

Serokê Polonyayê, do bi Trump re peymana zêdekirina leşkerên Amerîkayê li Polonyayê îmze kiribû û hetta xwestibû ku Amerîka li Polonyayê baregeheka leşkerî ava bike û Polonya amade ye ku 2 mîlyar dolar perê avakirina baregehê bide Amerîkayê.