Sanda Herema Kurdistanê ji bo gotebêjkirina 3 mijaran diçe Bexda

PeyamaKurd - Şandeke Herema Kurdistanê, sibe di 27ê Mijdarê de,dê serdana Bexdayê bike. Şanda Hikûmeta Herema Kurdistanê ji Wezîrê Darayî û Aborî yê Hikûmeta Herêma Kurdistanê Awat Şêx Cenab, Serokê Dîwana Civata Wezîran Umêd Sebah û Sikirtêrê Civata wezîran Amanc Rehîm pêk hatiye.

Li gor agahiyên hatine ragihandin, şanda Hikûmeta Herêma Kurdistanê dê bi Serokwezîrê Îraqê Mihemed Şiya Sûdanî re bicive û dê danûstandinan li ser sê mijaran girêdayî mûçeyan û hinardekirina petrola Herêma Kurdistanê bikin.

Di civîna şanda Herema Kurdistanê û Sûdanî de, dê mijarên wek yekalîkirina mûçeyên 3 mehan, bi awayekî dadwerî dabînkirina qanûna butçeya giştî û dûbare destpêkirina hinardekirina nefta Herema Kurdistanê bên gotebêjkirin.