Senatorên Amerîkî bang kir: Alîkariya Ukraynayê nekin!

PeyamaKurd- Komek ji qanûndanerên Komarî yên li Amerîkayê, bang li Serokê Amerîkayê Joe Biden kir ku alîkariya bêsînor ji Ukraynayê re rawestîne.

Di daxwaznameya ku ji Biden re hat şandin de 19 qanûndanerên Komarparêz, di nav de sê senator, banga rawestandina "alîkariya bêsînor" ji Ukraynayê kirin.

Parlamenteran diyar kir ku ew bi fikar in ku alîkariya Amerîkayê ya ji bo Ukraynayê dê gefa mezinkirina şer bike û destnîşan kir ku ev alîkarî ji zelalbûna stratejîk dûr e.

Parlamenteran diyar kir ku ev yek dê şer dirêj bike û gotin ku "Divê alîkariya bêsînor a Amerîkayê ji Ukraynayê re bi dawî bibe. Em ê bi serhişkî li dijî hemû pakêtên alîkariyê yên pêşerojê bisekinin heta ku ew bi stratejiyek dîplomatîk a zelal ve girêdayî nebin ku ji bo bilez bidawîkirina vî şerî hatiye çêkirin.

Parlamenteran got, "Tevî ku leza alîkariyên me berevajiyê vê yekê nîşan dide, lê Amerîka ne di wê rewşê de ye ku 113 milyar dolar ji bo bihêzkirina artêşek biyanî xerc bike.”