Serok Barzanî li ser serdana Amerîka û Brîtanyayê bi Wezîrê Pêsmerge re civiya

PeyamaKurd - Serok Mesûd Barzanî, îro 10ê Tebaxê roja Çarşemê li Selaheddîn pêşwazî li Wezîrê Pêşmergeyê Hikûmeta Herêma Kurdistanê Şoreş Îsmaîl û Sererkanê Pêşmerge Îsa Uzeyir kir.

Hat ragihandin ku Wezîrê Pêşmerge Şoreş Îsmaîl encamên serdana şanda Wezareta Pêşmerge ya ji bo Brîtanya û Amerîkayê û hevdîtinên wan yên ligel rayedarên siyasî û leşkerî yên wan du welatan ji Serok Barzanî re ragihand.

Hat diyarkirin ku di hevdîtinê de Serok Barzanî bi tevahî piştgîriya xwe ji bo bername û rêkarên reformên di nav hêzên Pêşmergeyên Kurdistanê de anî ziman û hêviya serkeftinê ji bo wan xwest.

Herwiha Serok Barzanî di civînê şîret û rênîşan û berçavroniyên pêwîst pêşkêşî Wezîrê Pêşmerge û Sererkanê Pêşmerge kir.