Serokwezîrê Holandayê li ser vexwandina Erdogan serdana Tirkiyê dike

PeyamaKurd – Serokwezîrê Holandayê Mark Rutte îro serdana Tirkiyê dike û bi Serokkomarê Tirkiyê Recep Tayyip Erdogan re dicive.

Li gor zanyariyan, Serokwezîrê Holandayê Mark Rutte li ser vexwandina Erdogan îro serdana Tirkiyê dike û li Koşka Beştepe ji aliyê Erdogan ve tê pêşwazîkirin. Erdogan û Rutte wê bi tenê û piştre ligel şandên her du welatan bicivin.

Li gor daxuyaniya ji aliyê Serokatiya Ragihandinê ya Serokkomariya Tirkeyê ve hatiye belavkirin, di van civînan de wê pêwendiyên navbera her du welatan û pêşhatên herêmê bên gotûbêjkirin.

Herwiha wê aloziya navbera Rûsya û Ukraynayê jî yek ji mijarên sereke yên gotubêjê be.