Siûdî û Îranê li ser pêwendiyên dîplomatîk li hev kir: Balyozxane têne vekirin

PeyamaKurd – Hat ragihandin ku rêveberiyên Tehran û Riyadê li ser asayîkirina pêwendiyan demek dirêj bû hewldan dihatin kirin, li hev kir.

Ligorî lihevkirinê, wê hikûmetên Îran û Erebistana Siûdî di nava du mehan de balyozxaneyên ji nû ve xwe vekin.

Lihevkirina Tehran û Riyadê bi navbeynkariya Çînê li Pekînê pêk hat û her sê aliyan bi daxuyaniyeke hevbeş eşkere kirin û herwiha spasiya hewldanên Iraq û Umanê jî hat kirin.

Di daxuyaniyê de hat ragihandin ku wê Wezîrên Derve yên Îran û Erebistana Siûdî ji bo amadekariyên têkiliyên dîplomatîk û asayîkirina pêwendiyan bicivin.

Li aliyê din Sekreterê Asayîşa Niştimanî ya Îranê jî got ku wê pêwendiyên Tehran û Riyadê, aramî û îstiqrara herêmê bihêztir bike.