Sûdanî bi pêwendiyeke telefonî pistgirî da Esed

PeyamaKurd - Serokwezîrê Iraqê Mihemed Şiya Sûdanî, li ser êrîşên komên çekdar bi ser Helebê û deverên din ên Sûriyê de, pêwendiyeke telefonî bi Serokomarê Sûriyê Beşar Esad pêk anî û ragihand, ewlehiya Sûriyê û Iraqê yek tişte.

Ofîsa Serokê Serokwezîriya Iraqê eşkere kir, di pêwendiya telefonî de pêşhatên rewşa niha ya Sûriyê û astengiyên ewlekarî hatine gotûbêj kirin ku niha pêk tên.

Sûdanî ji bilî geşedanên rewşa herêmê, tekezî li wê kiriye ku asayîş û aramiya Sûriyê bi asayîşa netewiya Iraqê ve girêdayî ye û bandorên wê li ser asayîşa herêmê bi giştî û hewldanên xurtkirina îstiqrarê li Rojhilata Navîn heye.

Li gorî daxuyaniya serokatiya Sûriyê, Sûdanî ji Esed re piştrast kir ku "ewlehiya Sûriye û Iraqê yek ewlehî ye. Herwiha tekezî li ser amadebûna Iraqê kiriye ji bo ku hemû piştevaniyeke pêwîst pêşkêşî Sûriyê bike bo rûbirûbûna li hember komên serhildêr.