Talebanî: Hewl didin Kurd li Kerkûkê piraniyê ji dest bidin

PeyamaKurd – Parêzgarê berê yê Kerkûkê beriya bûyerê 16ê Cotmeha 2017an Rêbwar Talebanî ragihand ku deshilatên Kerkûkê planek danîne ber xwe û hewl didin li navenda Kerkûkê Ereban zêde bikin û hejmara Kurdan kêm bikin.

Rêbwar Talebanî ji K24ê re daye xuyakirin: “Min gelek caran tekez kiriye ku, ew hêz û komên çekdar, ên ku niha li Kerkûkê û deverên din ên Iraqê ne, alavên destê welatekî derve ne. Iraqê bi xwe serwerî nemaye û hikûmeta wê nikare wan hêzan kontrol bike. Ev yek ji bo hemû aliyan ron bûye”.

Talebanî diyar kir: “Me bi pêkînerên niha yên kabîneya Sûdanî re li ser 13 xalan li hev kiriye, û di çarçoveya lihevkirina me de pêdivî ye rewşa Kerkûkê vegere pêş rûdanên 16ê Cotmehê, lê mixabin heta niha jî piraniya wan xalan nehatine bicihanîn û rewşa Kerkûkê her wekî xwe maye”.

Rêbwar Talebanî bibîr xist: “Niha biraderên netewe Ereb dixwazin navenda bajarê Kerkûkê ku piraniya wê Kurd in kêm bike û ji bo çend salên din nasnameya wê ji Kurdî bo piraniya Erebî bê guhertin. Bizav tê kirin ku welatiyên Ereb ên deverên din ên Îraqê bînin Kerkûkê û Kurdan jî ji vî bajarî derbixin”.

Herwiha Talebanî destnîşan kir: “Xebata Kurdan nabe pêxemetî parêzger û postan be, belkî pêdivî ye şerî li ser nasnameya Kerkûkê bikin. Ev di 100 salên borî de arêşeya me ya serekî bû”.