Tedawiya 1.154 nexwesên ji ber sewata daristanan qediya

PeyamaKurd – Wezîrê tenduristiyê yê Tirkiyê Dr. Fahrettin Koca ragihand ku bi sedema şewatên daristanan 1.154 kesên ku nexweş ketibûn û li nexweşxana dihatin dermankirin baş bûn û ji nexweşxaneyan derketin. 1.154 nexweş yên li bajarê Antalya û Muğlayê ne. Bes ji nexweşan tedawiya 16 nexweşan dewam dike.

Wezîr Koca di ser hesabê xwe yê Twitterê de ragihandina xwe kir. Koca got ku li Antalya 704 nexweş û li Muğlayê 450 nexweş dermankirina wan temam bûye û ji nexweşxaneyan derketine. Wezîr Koca weha got:

“ Li Antalya me dermankirina 704 nexweşan temam kir. 6 nexweş tedawiya wan dewam dike. Li deverê 7 hemwelatî jiyana xwe ji dest dabûn. Em bi 46 ambûlans,17 tîmên UMKE yê û bi 242 xebatkarên tenduristiyê li sehayê ne.

Li Muğlayê me 450 nexweşan derman kir. 10 nexweşên me tedawiya wan dewam dike. Di bobelata şewatê de 1 kes can dabû. 61 ambûlans, 22 tîmên UMKE yê, alaveka mobîl ya rêvebirinê, bi temamî 306 xebatkarên tenduristiyê li seha şewatê ne.”