Tirkiye | 132 rêwî û karmendên balafira Tehranê dikevin bin çavdêriya pizîskî

PeyamaKurd – Piştî ku balafira Tehranê ya rêwiyan bi gumana hebûna vîrusa koronayê li Enqereyê bilez danî, hemû rêwî û karmendên balafirê bo nexweşxaneyê têne veguheztin.

Wezîrê Tendurisiyê yê Tirkiyê Fahrettîn Koca ragihand, li Tirkiyê hîn vîrusa koronayê nehatiye dîtin, lê belê wê 132 rêwî û karmêndên balafira ji Tehranê hatiye bo nexweşxaneya Dr. Zekaî Tahir Budak a Enqerê bên veguheztin û her hemwelatiyên Tirk ku ji Îranê vegerin jî wê 14 rojan di bin çavdêriya pizîşkî de bimînin.

Hat zanîn ku di 17 rêwiyên balafirê de gumana hebûna vîrusa koronayê heye û li Balafirxaneya Esenboga ya Enqerê jî rewşa awarte hatiye ragihandin.