Tirkiyê kustina leskerekî xwe yê pispor ragihand

PeyamaKurd – Wezareta Berevaniya Tirkiyê (MSB) ragihand ku li herêma operasyona ‘Pence-Kilit’ leşkerekî wan ê çawîşê pispor hatiye kuştin.

MSB daye xuyakirin ku leşkerê bi navê Selahattîn Taşkin, di dema pevçûneke ligel PKKê de birîndar bûye û bo nexweşxaneyê hatiye rakirin û piştre jî li nexweşxaneyê can daye.

Artêşa Tirkiyê ji 18ê Nîsana  2022yan ve, li nav sînorên Herêma Kurdistanê yên Metîna, Zap, Avaşîn-Basyan li dijî PKKê operasyoneke berfireh pêk tîne ku heta niha hejmarek zêde leşkerên Tirk û endamên PKKê di şerê rû didin de hatine kuştin.