Ûkraynayê li bajarê Belgorod ê Rûsyayê xist: 19 kes mirin

PeyamaKurd - Parêzgarê Belgorodê yê Rûsyayê Vyacheslav Gladkov ragihand ku di bombebarana Ûkraynayê ya li ser bajêr de 19 kesan canê xwe ji dest dane û 27 kes jî birîndar bûne. Gladkov diyar kir ku meytên 15 kesan ji bin kavilê hêrişê hatine derxistin.

Medyaya Rûsyayê jî ragihanda ku di hêrişê de 19 kes mirin û 27 kes jî birîndar bûne piştrast kir.

Waliyê Belgorodê yê Rûsyayê Gladkov di daxuyaniya xwe de got: “Beşê sereke yê rakirina bermahiyên avahiya niştecihbûnê ya li Kolana Şchorsa bi dawî bû. Heta niha termê 15 kesan ji bin kavilan hatin derxistin. Di bombebarana duh bi şev de 3 sivîlên din jî jiyana xwe ji dest dan. Her wiha jineke ku di 11ê Gulanê de birîndar bûbû, li nexweşxaneyê jiyana xwe ji dest da. 19 kes sivîl duh ji aliyê rejîma Kîevê ve hatin qetilkirin, sivîlên bêguneh, windahiyên ku me dît. Navên wan wê her di bîra me de bin. "Em ê hewl bidin ku alîkariya hemî xizm û xizmên wan bikin, lê belê ez bi tevahî dizanim ku ne gotinên teseliyê û ne jî kirinek nikare windakirina hezkiriyek telafî bike."

Gladkov diyar kir ku di encama hêrişê de 27 kes birîndar bûne û got, “10 ji wan birîndaran wek nexweşên derve hatin dermankirin û şandin malê. 6 kesên ku di nav wan de pitikek yek mehî û dayika wî jî hebû, ji bo klînîkên federal hatin şandin. Duh bi fermana Serokdewletê Federasyona Rûsyayê Vladimir Putin tîmên bijîşkan hatin vir. “